![](https://www.shkodraweb.com/wp-content/uploads/2023/08/gjergj-luca-rruga-e-dukagjinit-2023-1024x536.jpg?x87856)
Ditën e sotme, përmes një video të publikuar në Facebook, kryetari i Bashkisë Shkodër Benet Beci, ka njoftuar fillimin e punës në rrugën problematike të Dukagjinit.
Reagimet pozitive kanë qenë të shumta, teksa nuk ka munguar reagimi i biznesmenit Gjegj Luca, me origjinë nga Dukagjini, si djali i “Nderit të Kombit” Ndrekë Luca, shkruan ShkodraWeb.
Luca ka publikuar një video të shkurtër, ku falenderon Becin por njëkohësisht i jep edhe një mesazh për dukagjinasit: “Po fitove zemrën e shpirtin e dukagjinasve, gjithë Shqipëria ka me të dashtë”.
Ndërsa në faqen Fish City në Facebook ku bën publikimet, Luca shton: “Për 32 vite, as kokën s’e kthyen nga Dukagjini. Një bravo e madhe për Benet Becin dhe gjithë ata që më në fund kthyen kokën dhe po mendojnë seriozisht për rrënjët e shqiptarisë.”, shkruan ShkodraWeb.