Një 30-vjeçar shqiptar është vrarë në Itali me armë zjarri. Sipas mediave italiane, Klaudio Myrtaj, u gjet i pajetë në një punishte artizanale në qendër të Vernante, në zonën Cuneo, në via Umberto.
Ende nuk është zbardhur dinamika dhe motivi ndërkohë që autori i krimit është shpallur në kërkim. Sipas hetimeve fillestare, i riu është qëlluar me armë zjarri në kokë.
Myrtaj kishte mbërritur në Itali rreth dy vite më parë dhe ishte punëtor në kantieret e rrugëve. Por, vazhdimisht ai punonte edhe me një zejtar vendas.
