![](https://www.shkodraweb.com/wp-content/uploads/2023/11/qatip-osmani-para-ndeshjes-me-lacin-2023-1024x536.jpg?x87856)
Në konferencën para mediave para ndeshjes së nesërme me Laçin, trajneri Qatip Osmani ka theksuar se fitorja është opsioni i vetëm i Vllaznisë në këtë sfidë. Ai pohoi se ndërprerja e kampionatit i ka vlejtur ekipit, në mënyrë që lojtarët e stafi të njihen më mirë me njëri-tjetrin. Ai foli edhe për mungesat, si dhe për afrimin e drejtorit të ri, Tefik Osmani.
“Ndërprerja e kampionatit na ka vlejtur, pasi kemi pasur kohën e duhur për t’u njohur me njëri-tjetrin. Të njihemi me metodën që praktikojmë ne si trajnerë. Jemi të gatshëm për ndeshjen me Laçin. Duke ditur pozitën ku jemi, fitorja është opsioni i vetëm për Vllazninë në këtë takim.”.
Gjendja e skuadrës
Mala është në pikëpyetje, Bala mungon prej kartonëve. Kështu që nga pauza kemi rikuperuar vetëm Hakajn. Sa i përket Bruno Gomeshit gjasat janë që ai ta nisë nga minuta e parë, por ende nuk kemi vendosur. Ai e tregoi veten në ndeshjen brenda grupit që kemi zhvilluar, ndaj ndoshta do të jetë opsioni i parë ndaj Laçit.
Tefik Osmani
Unë i uroj punë të mbarë drejtorit të ri. Jam në bisedime me atë çdo ditë. Bisedojmë për gjendjen aktuale të ekipit dhe po mundohemi që të jemi sa më të qetë, pasi takimi me Laçin është me shumë rëndësi. Jo se vendoset kampionati me këtë takim, por ka rëndësi për ecurinë në vazhdimësi. Dy Osmanë? Është një koeçidencë kjo që ndodh dhe koha do të tregojë sa funksionalë do të jemi .
Laçi
Bëhet fjalë për një ekip të mirë ku janë të kombinuar lojtarët e rinj me ata me përvojë. Mendoj se përparësia e Vlalznisë është fusha dhe ndoshta ambiciet. Laçi ka respektin e duhur nga Vllaznia.
Përshtatja
Është ende herët për të thënë se përshtatja është ashtu siç e duan trajnerët. Besoj që nesër do të shikohet, nuk mund të them përmirësim, por ndryshim nga ndeshet e kaluara.
Puna jonë është e tillë, ngarkesa dhe emocione ka çdo ndeshje. Është situata ku duhet patjetër fitorja. Gjithsesi si ekip duhet ta përballojmë sa më të qetë, por kjo punë ka gjithmonë ngarkesë, aq më shumë për një klub që ka ambicie të mëdha. Duhet të mësohemi me këto ngarkesa.
Kualifikimi i Kombëtares shqiptare?
Edhe ne na gëzon fakti që Shqipëria është në Europian. Të gjithë mburremi me rezultate e Shqipërisë dhe i uroj paraqitje sa më të mirë në Europian. Kanë bërë një p[unë të madhe dhe mirë.”