![](https://www.shkodraweb.com/wp-content/uploads/2023/12/edi-rama-inspektim-projekti-hyrja-e-shkodres-2023-1024x536.jpg?x87856)
Siç ishte paralajmëruar, kryeministri Edi Rama ka nisur vizitën e tij në Bashkinë e Shkodrës. Ai është pritur nga kryebashkiaku Benet Beci dhe deputetë të PS- së në Shkodër.
Vizitën e parë Rama e ka bërë në projektin që po zbatohet në hyrje të qytetit të Shkodrës, duke marrë sqarimet teknike të tij nga kryebashkiaku Beci, lidhur me atë çfarë do të bëhet konkretisht.
Kryebashkiaku Beci e ka njohur edhe me një projekt tjetër, i cili synon integrimin e një hapësire që përfshin parkun në hyrje të qytetit, Xhaminë e Plumbit dhe Kishën e Zojës, për të lehtësuar aksesin tek këto objekte.
Në orën 16.00 është njoftuar një takim ne Teatrin “Migjeni”, ku pritet që kryeministri dhe kryebashkiaku të prezantojnë edhe projekte të tjera për bashkinë e Shkodrës, e cila nga 19 qershori, qeveriset nga PS.