Këngëtari shkodran Luiz Ejlli nuk ndalet në krijimtarinë e tij. Tashmë, ka publikuar këngën e tij të re, me një titull “Ninulla e vetmisë”, e cila është ndryshe nga krijimet e deritanishme.
Me një mesazh të shkurtër (që mund ta ndiqni më poshtë), Ejlli ka ftuar ndjekësit të krijojnë këngën e tij më të re. Music & iyrics e këngës nga Petro Xhori, arrangement & mix master nga Xhumill, në fyell është Mandi Xhambazi dhe video nga Cloudssblack.
Edhe në shtëpinë e BBVip, Luiz Ejlli iu rikthye këngëve, të cilat tashmë janë kthyer në hite me miliona klikime. Pas daljes nga spektakli, ai ka vijuar në të njëjtën rrugë, duke qenë edhe më shumë aktiv me disa këngë njëra pas tjetrës.
Siç dihet, Ejlli po përjeton një histori dashurie me Kiar Tito, me të cilën u njoh në BBVip dhe presin së shpejti të bëhen edhe prindër të një vajze. Çifti vijon të jetë ndër më të preferuarit e showbiz- it shqiptar, duke qenë vazhdimisht në fokusin e mediave dhe ndjekësve të shumtë. Më poshtë, klipi i këngës së re të Luiz Ejllit.
