![](https://www.shkodraweb.com/wp-content/uploads/2023/12/type-c-charger-1024x536.jpg?x87856)
Komisioni Evropian në kumtesën e sotme ka rikujtuar se nga viti 2024 të gjithë telefonat, tabletët dhe foto aparatet në BE duhet të kenë të njëjtin karikues.
USB-C, i njohur si porti USB Type-C do të jetë standard, që do të thotë se prodhuesit duhet t’i prodhojnë produktet e tyre me kërkesat e reja të BE-së.
Ky vendim ishte marrë një vit më parë, kurse nga BE-ja së fundmi kanë njoftuar se me këtë veprim obligohen të gjithë prodhuesit të kenë një mbushës.
“Pritjes po i vjen fundi. Nga viti 2024, USB-C do të jetë standard për të gjithë pajisjet elektronike në BE. Nga ky moment më nuk do të dëgjojmë, ‘më falni, nuk e kemi këtë lloj të kabllos”, ka njoftuar Komisioni Evropian.
Rregullat e reja kanë për qëllim zvogëlimin e nevojës për blerje të mbushësve të ndryshëm për çdo pajisje, që do të kursej para, kohë dhe do të kontribuoj në zvogëlimin e mbetjeve elektronike.