![](https://www.shkodraweb.com/wp-content/uploads/2024/01/ildi-gruda-2024-1024x536.jpg?x87856)
Vllaznia ka marrë fitoren e radhës në kampionat, teksa triumfoi 1-0 me Kukësin. Sfida u zhbllokua shumë shpejt, që në minutën e parë. Gruda dërgoi topin pas shpinës së Tafas, duke ndezur atmosferën në shkallët e stafiumit.
Verilindorët u përpoqën që të reagojnë dhe fituan penallti në minutën e 38-të, pas një prekje me dorë të Pusit. Fillimisht gjithçka u konsiderua e rregullt, por pas rishikimit me VAR, arbitri Alla kuptoi se ishte 11-metërsh. Nga pika e bardhë u nis Rashiti, i cili provoi me një “Panenka”, por dështoi.
Në pjesën e dytë, loja u bë edhe më interesante, me të dy skuadrat që ende kishin për të prodhuar për këtë sfidë. Në minutën e 72-të, portieri Tafas i mohoi golin Grudës, duke mbajtur kështu në lojë Kukësin. Vllaznia renditet në vendin e katërt me 29 pikë, Kukësi renditet në vendin e nëntë me 19 pikë.