![](https://www.shkodraweb.com/wp-content/uploads/2024/02/plagosja-xjabiej-flet-drejtori-i-policise-2024-1024x536.jpg?x87856)
Drejtori i Policisë së Shkodrës, Edmond Sulaj, tha se po zhvillohen hetime intensive për të zbardhur plagosjen me armë zjarri mbrëmjen e sotme në qytetin verior.
Ai tha se po sekuestrohen kamerat e sigurisë dhe pritet të merret në pyetje i plagosuri. “Në orën 17:50 këtu në lagjen “Xhabiej” është qëlluar me armë zjarri shtetasi Selami Brahimi i cili është plagosur lehtë dhe është duke marrë mjekim në spitalin e Shkodrës. Është formuar grupi hetimor nën drejtimin e prokurorisë dhe po punon për dokumentimin e plotë të ngjarjes.
Janë duke u marrë kamerat e sigurisë si dhe po pyeten dëshmitarët okular që kanë dijeni për ngjarjen. Ndërkohë do të intervistohet i dëmtuari. Sa i përket shkaqeve po punohet nga grupi hetimor për sqarimin e rrethanave. Jemi duke punuar intesivisht për ta zbardhur dhe sigurojmë qytetarët se policia vendore e Shkodrës ka të gjitha kapacitetet për të zbardhur ngjarje të tilla”, u shpreh drejtori Sulaj.
LEXONI EDHE: VIDEO – Të shtëna me armë zjarri në Xhabiej të Shkodrës, një i plagosur, detajet e ngjarjes së rëndë…