![](https://www.shkodraweb.com/wp-content/uploads/2024/03/manastirliu-erkand-qerimaj-2024-1024x536.jpg?x87856)
Kampioni shkodran i peshëngritjes Erkand Qerimaj, i sapo kurorëzuar nënkampion i Europës, është takuar me ministren e Arsimit dhe Sportit, Ogerta Manastirliu. Këtë e ka bërë të ditur vetë Manastirliu përmes një video në rrjetet sociale, të cilën e shoqëron me fjalët:
“Me peshëngritësin Erkand Qerimaj, që pas medaljes së fundit, përgatitet për sfidat e reja botërore, për të na përfaqësuar denjësisht në arenën ndërkombëtare”, shkruan ministrja Manastirliu.
Qerimaj nga ana e tij, ka vlerësuar vëmendjen e treguar ndaj sportistëve elitarë, por edhe investimet që janë bërë në infrastrukturën sportive, e cila është edhe në sherbim të kampionëve si Erkand Qerimaj.