![](https://www.shkodraweb.com/wp-content/uploads/2024/05/emilia-koliqi-2024-1024x536.jpg?x87856)
Detyrimet e qeverisë shqiptare për vendimet e Arbitrazhit Ndërkombëtar, arrijnë në 310 milionë euro, duke përfshirë edhe 140 milionë euro çështje në proces.
Vlerën më të lartë të detyrimit e kryeson çështja “Hydro dhe të tjerët kundër Shqipërisë” e sipërmarrësit italian Francesco Becchetti me 110 milionë euro, së bashku me kostot ligjore.
Qeveria po shndërron formen e organizimit të Albcontrol sh.a nga shoqëri publike në institucion buxhetor, sepse llogaria e Albcontrol, që në vitin 2021, është e bllokuar për pagesën e detyrimeve ndaj Becchetti-t.
Shuma e bllokuar, deri në dhjetor 2022 ishte 6.75 miliardë lekë (mbi 60 milionë euro me kursin e kohës). Për tre vite rresht, shoqëria është është në vështirësi financiare dhe me risk të lartë likuiditeti.
Mundësia e marrjes së huave nga bankat, ishte e pamundur, pasi askush nuk merr përsipër të financojë një aktivitet, me risk të lartë likuiditeti.
Qeveria i dha 2 miliard lekë grant në vitin 2022 dhe 3 miliard lekë hua në fund të 2023.
Tashti, me këtë artificë ligjore, në kundërshtim me ligjin “Për tregtarët dhe shoqëritë tregtare”, qeveria po ligjëron financimin e Albcontrol-it, me fonde të buxhetit të shtetit. /Nga deputetja e Shkodrës Emilia KOLIQI, publikuar në Facebook/