Në të gjithë territorin gjatë natës dhe aktualisht vijojnë reshjet e shiut dhe të dëborës në zonat malore, me intensitet të ulët. Nga komunikimi me strukturat Mbrojtjes Civile të bashkive deri në këtë moment, nuk raportohen situata problematike, aktualisht raportohet për reshje dëbore në bashkinë Puke dhe Fushë Arrëz por pa krijuar probleme.
Nga DRV Shkodër informohemi se në aksin Bogë – Theth ka reshje dëbore, por qarkullimi vijon pa probleme, në këtë aks rrugor kërkohet që automjetet të qarkullojnë me goma dimërore.
Nga strukturat e OSHEE nuk raportohen situata problematike. Në bashkinë Vau Dejës informohemi për shkëputjen e energjisë elektrike. Nga DrUK Lezhë informohemi se nga reshjet e shiut prej rreth 10mm/24 orëve, nuk janë shkaktuar probleme në infrastrukturën e kullimit dhe argjinatura.
Institucioni i Prefektit po monitoron situatën dhe është në kontakt të vazhdueshëm me strukturat e Mbrojtjes Civile për çdo problematikë të mundshme.
