Propozimi i buxhetit të administratës Trump për NASA-n për vitin fiskal 2019 parashikon edhe financimin e një avioni supersonik eksperimental i cili mundet q ënjë ditë të transportojë pasagjerë nga një cep të planetit në tjetrin brenda pak orësh (rreth tre orë nga Londra në Nju Jork).
Avini, që mban nofkën “I biri i Concorde”, zyrtarisht quhet “Quiet Supersonic Transport (QueSST) – Low-Boom Flight Demonstrator”, dhe synon që të kalojë shpejtësinë e zërit.
Në fakt avioni super-sonik e zvogëlon në minimum “brom”-in sonik. Nëse gjithçka shkon sipas planeve, ka shpjegua enti ajror amerikan, QueSST-i mund ta bëjë udhëtimin e tij inaugurues në 2021-shin.
“Concorde” doli në pension më 2003-shin pas aksidentit të tmerrshëm të Parisit në korrik 2000, që shkaktoi vdekjen e 113 personave.
Po më 2003-shin u tërhoq edhe i njëjti avion rus, Tupolev Tu-144, duke i nxjerrë kështu nga qarkullimi të dy avionët e vetëm supersonikë të historisë së aviacionit civil.
