Japonia dhe Senegali e mbyllin në barazim sfidën direkte në mes tyre. Dy herë Senegali ka kaluar përpara dhe po kaq herë është arritur nga Japonia, e cila duhet pranuar se ka patur mundësi të kalojë në avantazh dhe ta fitojë ndeshjen. Mane dhe Wague kanë shënuar për Senegalin, ndërsa kanë barazuar dy herë për Japoninë Inui dhe Honda. Tashmë dy ekipet kanë nga 4 pikë dhe janë në dy vendet e para të Grupit H. Në darkë do të ndeshen Polonia dhe Kolumbia po për këtë grup.
