![](https://www.shkodraweb.com/wp-content/uploads/2017/08/franceperplasje.jpg?x87856)
Rrëfehet 39-vjeçari që shkaktoi një tragjedi të vërtetë në jug të Parisit, teksa u përplas me forcë dhe hyri brenda një picerie, me makinën tip “BMW” që drejtonte, duke shkaktuar vdekjen e një 13-vjeçareje dhe plagosjen e 6 të tjerëve.
Sipas autoriteteve franceze, siç raporton Tg.com, drejtuesi i mjetit është arrestuar tashmë, Ai ndodhej në gjendje shoku në momentin e ndalimit dhe thuhet se vuante nga depresioni. Nga dëshmia e parë që ka dhënë për policinë, burri në fjalë ka thënë se është përplasur me picerinë pasi donte të vriste veten. Gjatë kontrollit në makinën e tij, policia ka gjetur edhe armë, por paraprakisht nuk dyshojnë që ngjarja të ketë lidhje me ndonjë akt të mundshëm terrorit. /BalkanWeb/