![](https://www.shkodraweb.com/wp-content/uploads/2017/08/rma1.jpg?x87856)
Shembullin e Alvaro Morata-s duket se do t’a ndjekin edhe të tjerë te skuadra e Real Madrid. Lucas Vazquez është “galaktiku” tjetër që ka shprehur qartë dëshirën e tij për t’u larguar nga skuadra 12 herë kampione e Europës.
26-vjeçari pretendon se minutazhi i pakët nuk korrespondon me aftësitë e tij dhe së fundmi sipas “Don Balon” spanjolli kërkon të demonstrojë diku tjetër talentin. Në përfundim të “El Clasico-s” së parë të luajtur në “Camp Nou”, mësohet se Lucas i ka thënë tekstualisht kapitenit Sergio Ramos se “dëshiron të largohet”.
Ramos nuk është aspak dakord me shokun e skuadrës të cilit i ka kërkuar të bëjë durim pasi sipas tij nuk do të mund të gjejë askund tjetër një ekip si Real Madrid. Pavarësisht kësaj futbollisti për momentin duket më larg sesa afër “Bernabeut”.
Roma, por jo vetëm, edhe Liverpool kanë paraqitur në adresë të Vazquez një pagë më të lartë se ajo që merr aktualisht te Real Madrid, por gjithashtu, edhe atë që është më e rëndësishme për sulmuesin, një vend të sigurtë në formacionin titullar për kampionin e Spanjës dhe të Europës./balkanweb/