Në një kohë që në Tiranë ka disa protesta, kryeministri Edi Rama ka udhëtuar jashtë vendit. Sipas mediave turke, kryeministri Edi Rama ndodhet në Turqi, ku ka zhvilluar edhe një takim me Presidenti Rexhep Tajip Erdogan, i cili e priti në Pallatin Beylerbeyi në Stamboll.
Nuk ka një njoftim të vizitës së Ramës në Turqi, ndërsa kjo është bërë i ditur nga faqja zyrtare e Presidentit turk. Ndërkohë qytetarët që preken nga projekti i Unazës së Re, si dhe studentët janë prej disa ditësh në protestë ku i bëjnë thirrje kreut të qeverisë për zgjidhjen e problemeve përkatëse.
