Ish-ministri i Brendshëm, Saimir Tahiri është paraqitur sot para Gjykatës. Gjatë kësaj seance, Prokurori i çështjes kërkoi që mbledhja të zhvillohej me dyer të mbyllura për shkak se do të paraqiteshin materiale me përmbajtje konfidenciale.
Por kjo kërkesë së Prokurorisë është kundërshtuar nga pala mbrojtëse, dhe vetë ish-ministri Tahiri. Ish-ministri ka ironizuar me organin e akuzës, duke thënë se gjatë hetimeve kanë dal në media të gjitha materiale ‘sekret’. Ndërkohë që akuzoi Prokurorinë se i ka shpërndarë lajmet me SMS.
“Nuk ka mbetur asnjë sekret, nuk e kuptoj pse duhet të jetë me dyer të mbyllura. Gjatë hetimeve kanë dal të gjitha materialet në media. Nuk e kuptoj se çfarë sekret ruhet këtu. Prokuroria i ka çuar lajmet me SMS në media.”, ka thënë Tahiri. Ndërkohë që Gjykata ka vendosur që mediat të largohen nga salla.
Ndërkohë që seanca gjyqësore po vazhdon me dyer të mbyllura.
