Kryetarja e Bashkisë së Shkodrës ka reaguar pas Asamblesë së PS-së Shkodër, ku mungoi kryeministri Rama edhe pse kishte paralajmëruar praninën e tij. Në këtë Asamble, duke marrë ndoshta edhe rolin e kandidates së pashpallur për kryetare bashkie, Senida Mesi i dërgoi një mesazh në distancë Voltana Ademit. Në një postim në Facebook, qytetarja e parë e Shkodrës nuk ka prederuar ti përgjigjet “mesazhit” të Mesit, por ka patur një mesazh për kryeministrin Rama dhe deputetët socialistë të Shkodrës. Mëposhtë, postimi i plotë i Voltaa Ademit në faqen e saj zyrtare në Facebook.
Të dërguarit e Ramës zgjodhën Shkodrën për ti lëshuar mesazhe opozitës pasi e dinë se në Shkodër nuk mund të përballen drejtpërdrejtë me qytetarët pasi ato do ti jepnin përgjgjen më të mirë se përse Rama është i padëshiruar në këtë qytet.
Ato mund të bashkohen vetëm me njeri tjetrin duke bërë demagogji politike, dhe sulme ndaj opozitës por nuk mund të përballen me banorët e këtij qyteti të braktisur nga qeveria.
Rama e ka humbur Shkodrën, jo vetëm në zgjedhjet e 2015-ës, por zhgënjimi ka ardhur duke u thelluar më shumë ndaj tij, pasi në 6 vite nuk është kujtuar për Shkodrën duke i sjellë këtij qyteti vetëm papunësi, korrupsion, mungesë shërbimi, mashtrime dhe bandat e krimit.Deputetët që vijnë rrallëherë e vetëm në fundjavë në Shkodër mund ta konfirmojnë këtë fare mirë, duke pyetur shkodranët, për shëndetësinë, arsimin, ndihmën ekonomike, energjinë elektrike, biznesin dhe gjobëveniet e tatimeve, e veçanërisht ato të krimit.
Të marrin guximin një ditë të vetme Rama dhe grupi i tij, që ngushtohet dita ditës, të bëjnë një xhiro siç bëj unë në rrugët e Shkodrës e të fshatrave te saj, dhe do ta kuptojë se pse është i paftuar në Shkodër.
Shkodranët kanë ditur përherë t’i tregojnë vendin Ramës dhe etërve të tyre politikë dhe kurrë, asnjë shfaqje në ambjente të mbyllura në makina luksoze, nuk do të impresionojë shkodranët.
Ti nuk erdhe sot në Shkodër dhe jam e bindur se do ia kursesh vetes ardhjet e tua në këtë qytet, pasi përherë je ndjerë i tepërt në qytetin e antikomunizmit i cili ta ka demostruar me votë dhe përçmim keqqeverisjen tënde!
