Një aksident i rëndë automobilistik ka ndodhur në aksin Shkodër-Lezhë, në vendin e quajtur kryqëzimi i Gjadrit. Sipas dëshmitarëve për JOQ.al, një automjet tip “Mercedes EClass” ngjyrë i zi me targa kosovare dhe një kamion mallrash janë përplasur fort me njëri-tjetrin. Besohet se personat që gjendeshin brenda “Mercedesit”dyshohet se kanë mbetur të plagosur rëndë pasi dëmtimet që ka pësuar automjeti janë të mëdha. Shkak për aksidentin është bërë parakalimi i gabuar i një prej automjeteve (mendohet Mercedes-i).
Të plagosur kanë mbetur personat që udhëtonin tek makina, të cilët janë dërguar menjëherë në spital, ndërkohë që shoferi i kamionit është plagosur lehtë. Sipas burimeve për redaksinë tonë në derën e shoferit kishte njolla gjaku ndërsa ana e pasagjerit ishte pothuajse e padëmtuar.
Për pasojë, aksi ku ka ndodhur aksidenti është bllokuar për 2 orë. Policia ka mbërritur në vendngjarje dhe po punon për zbardhjen e rrethanave te aksidentit. /joq.al/
