![](https://www.shkodraweb.com/wp-content/uploads/2018/07/aksident-lezhe-2-korrik.jpg?x87856)
Një aksident është regjistruar sot në Lezhë, ku për pasojë dy automjete janë përplasur me njëra-tjetrën. Ngjarja ndodhi në fshatin Gajush, në autostradën Milot-Lezhë. ‘BalkanWeb’ mëson se nga përplasja janë dëmtuar të dy drejtuesit e mjeteve, ideniteti i të cilëve nuk dihet.
Po ashtu bëhet e ditur se drejtuesi i mjetit tip ‘Mercedez Benz’, një shtetas kosovar, është përplasur me automjetin tip ‘Peugeot’ dhe për pasojë ka dalë nga rruga dhe ka përfunduar në një arë.
Deri më tani nuk dihen rrethanat e aksidentit në fjalë, ndërsa policia po heton rreth zbardhjes së plotë të shkaqeve.