![](https://www.shkodraweb.com/wp-content/uploads/2017/10/monikavasili.jpg?x87856)
Dy partitë më të mëdha opozitare në vend, PD dhe LSI kanë nisur menjëherë aksionin opozitar kundër krimit dhe lidhjeve të politikës me trafikantët. Kryetarja e LSI, Monika Kryemadhi, dhe kreu i grupit parlamentar të kësaj force politike, Petrit Vasili kanë shkuar në zyrën e krydemokratit Basha në Selinë e PD mbrëmjen e sotme. Burimet thonë se në takimin e nisur në orën 19:45 dhe që ka zgjatur plot 40 minuta, është diskutuar për tryezën e përbashkët të partive opozitare që pritet të zhvillohet nesër, të cilën Basha e njoftoi gjatë konferencës për shtyp. Mësohet se Basha dhe Kryemadhi kanë vendosur që tryeza e partive opozitare të mblidhet nesër në orën 11:00. Krerët e PD dhe LSI po kështu mendohet se janë rakorduar edhe për ecurinë e aksionit të përbashkët opozitar. /balkanweb/
[democracy id=”4″]