Detaje të reja dalin në dritë në lidhje me 37-vjeçaren shqiptare, e cila u gjet e pajetë në një pyll në Francë. Mësohet se bëhet fjalë për Brunilda Kovaçin nga Berati, e cila sipas mediave franceze ishte punonjëse s#ksi.
Kanë qenë familjarët e gruas ata që kanë kontaktuar me “BalkanWeb” ndërsa apelojnë për ndihmë, pasi në Francë aktualisht ndodhet djali i saj vetëm tre vjeç. Familja nga Berati tregon se lajmin e kobshëm e kanë marrë vesh nga mediat shqiptare, të cilat publikuan dje lajmin. “Lajmin e hidhur e morëm vesh nga mediat. Nuk dinim gjë. Jemi të shokuar. Tani kemi hallin e djalit që ka ngelur në Francë. Na ka rënë një hall i madh, aq më tepër kur nuk kemi mundësi financiare. Jemi keq ekonomikisht, nuk e sjellim dot trupin e vajzës në Shqipëri. I bëjmë thirrje shtetit që të na ndihmojë të na sjellë trupin e Brunildës, por dhe djalin e vogël.”, thanë familjarët për BW.
Mediat franceze teksa publikuan lajmin për shqiptaren, shkruanin se ajo u gjet e vr.arë në një park në Mougins të Francës. Trupi i gruas shqiptare, që mendohet se ka qenë pro.stitutë, u gjet pjesërisht i djegur dhe i zhveshur në ditën e Krishtlindjeve.
Sipas grupit hetimor, ndër shenjat dalluese që çuan në identifikimin e viktimës, ishte një tatuazh në krahun e saj, me emrin e një burri shqiptar.
“La provence” shkruante se një person është vënë në pranga dhe ndodhet në paraburgim, ndërsa nuk dihet nëse është një nga klientët e 37-vjeçares, apo tutori i saj. Aktualisht policia po heton.
