Florida Doci është një shqiptaro-kanadeze studiuese në Universitetin prestigjozës të Otavës. Ajo ka mbi 10 vite që jeton në Kanada, por së fundmi ka publikuar një letër të hapur për kryeministrin Justin Trudeau, ku e kritikon ashpër për takimin që zhvilloi dje në Mynih me homologun shqiptar, Edi Rama.
Doci e nis letrën duke treguar angazhimin e vazhdueshëm në mbështetje të kryeministrit Trudeau, jo vetëm duke e votuar, por duke shërbyer si vullnetare për të bindur qytetarët kanadezë ta votojnë për të marrë drejtimin e vendit.
“Nuk ka qenë gjithnjë e lehtë të bindur njerëzit se Ju jeni një mundësi e mirë për Kanadanë, megjithatë unë kam mbetur një avokate e fortë”, shkruan Florida Doci në letrën e siguruar nga Fjala.al.
Sidoqoftë, vijon Doci, sot u zhgënjeva kur pashë që po takohesh me kryeministrin e Shqipërisë, Edi Rama, në Konferencën e Sigurisë në Mynih.
“Pas një përqafimi shumë miqësor dhe një fotoje, ju e quajtët mik zotin Rama. Siç e tha edhe zoti Rama gjatë përgjigjes së tij, ju keni një ndikim të fortë në botë dhe përqafimi dhe lavdërimi juaj i vlejnë shumë zotit Rama dhe Qeverisë së tij. Prandaj, unë u befasova nga veprimet tuaja dhe zgjedhja e fjalëve, që për mendimin tim pasqyrojnë një mungesë shqetësuese të njohurive në lidhje me veprimet dhe stilin e qeverisjes së z.Rama”, shkruan shqiptaro-kanadezja.
Florida Doci rendit në letër disa akuza të forta ndaj kryeministrit shqiptar, që nga Parlamenti ku sundon pothuajse vetëm Partia Socialiste deri te kontrolli direkt që, sipas saj, Rama ushtron mbi drejtësinë. Sulmet ndaj gazetarëve dhe paketa anti-shpifje përmenden gjithashtu në letër, si dhe deklarata e Ramës për miqësinë me Vangjush Dakon, ish-kryebashkiak i Durrësit i shpallur non-grata nga SHBA.
“60% e shqiptarëve kërkojnë të largohen nga vendi si rezultat i sistemit që zoti Rama ka zbatuar në vend dhe numri i emigrantëve rritet çdo vit. Mbi 30 mijë shqiptarë jetojnë sot në Kanada, shumë prej tyre e lanë Shqipërinë si rezultat i dhunës, pasigurisë ekonomike dhe varfërisë, dhunimit të të drejtave të njeriut, destabilitetit social dhe politik, të kryera nga regjime si ai që zoti Rama ka rivendosur në Shqipëri që prej 2013-ës”, i bën me dije Trudeaut studiuesja shqiptare.
Unë dua të jem krenare për vendimet e qeverisë time dhe sot nuk jam, thotë Doci duke iu referuar qeverisë kanadeze. Ajo kërkon nga kryeministri Trudeau të kërkojë falje për takimin që zhvilloi me homologun Rama.
“Shpresoja se ju do të qëndronit për të drejtat dhe nevojat e këtyre njerëzve, të cilat po dhunohen nga personi që zgjodhët të përqafonit. Unë nuk mund të mbështes askënd që konsideron zotin Rama një mik apo që mbështet regjimin e zotit Rama. Unë dua të jem krenare për vendimet e qeverisë time dhe sot nuk jam. Besimi im në lidershipin tuaj është thyer dhe jam e turpëruar që ju zgjodhët të përfaqësoni dhe të lavdëroni një bullizues si zoti Rama.
I dashur kryeministër, me gjithë respektin, unë besoj se ju i detyroheni një ndjesë të vëretetë dhe të sinqertë shqiptaro-kanadezëve që japin një kontribut të jashtëzakonshëm për vendin tonë dhe, besimin e tyre, ashtu si timin, ju e thyet sot. Ju gjithashtu i detyroheni një ndjesë shqiptarëve në Shqipëri, shpresat e të cilëve ju i keni shuar sot duke përqafuar një njeri që nuk e meriton të quhet lider.
Shpresoj se ju do të konsideroni mundësinë të reflektoni mbi këtë çështje dhe të zgjidhni fjalët tuaja me mençuri në përfaqësimin e kanadezëve dhe vlerave tona në të ardhmen”, mbyllet letra e studiueses shqiptare Florida Doci.
LETRA E PLOTE E FLORIDA DOCIT
Emri im është Florida Doci, dhe jam studiuese në Universitetin e Otavës. Kam jetuar në Kanada për me shumë se 10 vjet, dhe e konsideroj veten me fat për mundësitë e jashtëzakonshme që më ka dhënë ky vend. Unë jam vërtet mirënjohës që e quaj Kanada shtëpinë time sot.
Unë kam qenë një mbështetëse e fortë e udhëheqjes suaj për shumë vite. Unë kam dhënë kohën time si vullnetarr gjatë fushatave elektorale duke trokitur në dyer dhe duke ju përgjigjur telefonave, kam ndihmuar në zyrën elektorale të zonës time, dhe kam qenë një mbështetëse e zëshme në qarqet e mia si në internet ashtu edhe ne jetën e përditshme. Nuk ka qenë gjithmonë e lehtë të bindësh njerëzit se ju jeni një zgjedhje e mirë për Kanadane, por pavarësisht të gjithave unë kam mbetur një mbështetëse e palëkundur.
Sidoqoftë, sot u zhgënjeva kur pashë që u takuat me Kryeministrin e Shqipërisë Edi Rama në Konferencën e Sigurisë së Mynihut. Pas një përqafimi shumë miqësor dhe një foto-op, ju e quajtët zotin Rama një mik. Siç e tha edhe vet zoti Rama gjatë përgjigjes së tij, ju keni një ndikim të fortë në botë, dhe përqafimi dhe lavdërimi juaj kanë vlerë shume te madhe për zotin Rama dhe qeverinë e tij. Ndaj, unë u befasova nga veprimet tuaja dhe zgjedhja e fjalëve, të cilat për mendimin tim pasqyrojnë një mungesë shqetësuese të njohurive në lidhje me veprimet dhe stilin e qeverisjes së Z. Rama.
A ishit në dijeni që zoti Rama kontrollon të gjitha nivelet e qeverisë në Shqipëri, Parlamentin dhe sistemin gjyqësor, duke drejtuar efektivisht një shtet autokratik me një parti? Kur opozita shqiptare doli nga Parlamenti në protestë ndaj anashkalimit që z. Rama ju ka bërë sistemeve ligjvënës dhe gjyqësor, zoti Rama mori kontrollin mbi Parlamentin duke mbushur vendet me mbështetësit e tij [1]. Z. Rama çmontoi gjykatën më të lartë të Shqipërisë (Gjykatën Kushtetuese) vetëm për ta rikthyer më vonë nën drejtimin e dy mbështetësve të zgjedhur posaçërisht prej tij, në kundërshtim me Kushtetutën shqiptare [2]. Vitin e kaluar, zoti Rama mbajti zgjedhje jodemokratike një-partiake në shkelje të ashpër të dekreteve Presidenciale [3]. Kandidatët nga partia e Z. Rama kandiduan të pankonkuruar dhe tani kanë nën kontroll qeverinë lokale në të gjithë vendin. Z. Rama ka krijuar gjithashtu forcën e tij policore për të kontrolluar dhe frikësuar kundërshtarët e tij [4].
A ishit në dijeni që zoti Rama ka miratuar një ligj që në mënyrë efektive ka nënshtruar mediat në Shqipëri? [5] Në të vërtetë, zoti Rama ka qenë shumë i zëshëm në lidhje me mosrespektin e tij ndaj shtypit të lirë [6], dhe ka revokuar hyrjen ose dëbuar anëtarët e mediave nga shumë ngjarje publike, ai ka kërcënuar të burgosë gazetarë që flasin kundër tij, ai ka arrestuar anëtarët e mediave dhe ka mbyllur padrejtësisht ato media që jane përpjekur të ruajnë fjalën e lirë [7].
A ishit në dijeni se artistët dhe qytetarët në Shqipëri protestojnë çdo ditë për më shumë se 24 muaj kundër prishjes së Teatrit Kombëtar të Shqipërisë? Teatri Kombëtar është një ndërtesë trashëgimie e vendosur në një zonë të lakmuar në qëndër në kryeqytetit Tiranë. Z. Rama ka vendosur të privatizojë tokën e teatrit përmes praktikave korruptive [8, 9]. Ai ka shkuar aq larg sa të kërcënoje dhe arrestoni shumë protestues herë pas here.
A keni qenë në dijeni që zoti Rama ka emëruar kryetarin e Parlamentit shqiptar Z. Gramoz Ruci, një ish-anëtar i Partisë së Punës së Shqipërisë dhe ish Ministër i Brendshëm gjatë regjimit diktatorial? Z. Ruci është personalisht përgjegjës për veprimet e dhunshme të kryera nga regjimi kundër protestuesve të rinj që kërkuan një regjim demokratik përmes demonstrimeve dhe grevave paqësore në vitet 1990-1992. Para rënies së regjimit komuniste, ai urdhëroi gjithashtu djegien e mijëra dokumenteve inkriminuese të shërbimit sekret, duke mbuluar kështu në mënyrë aktive krimet e rënda të kryera nga regjimi komunist në Shqipëri. Në të vërtetë, Muzeu i Mbikëqyrjes Sekrete në Tiranë ka një shfaqje kushtuar Z. Ruci dhe e thekson atë si një nga figurat më të errëta në historinë shqiptare për përfshirjen e tij kundër lëvizjes studentore në vitet ’90. A ishit në dijeni se zoti Rama ka emëruar gjithashtu edhe Z. Skënder Gjinushi si drejtues të Akademisë së Shkencave të Shqipërisë? Z. Gjinushi eshte gjithashtu një ish anëtar i Partisë së Punës së Shqipërisë, ish-Ministër i Arsimit gjatë regjimit diktatorial dhe bashkëpunëtor i njohur i Policisë së Sigurisë gjatë komunizmit.
Mund të vazhdoja më tej, por besoj se është e qartë tanimë që Z. Rama nuk është lloji i njeriut që duhet të përqafosh, lavdërosh ose ta quash mik. Që pas ardhjes së tij në pushtet, qeveria e z. Rama ka qenë në qendër të skandaleve të shumta që kanë nxjerrë zbuluar lidhje të forta me krimin e organizuar dhe mafian. Të paktën dy ministra të qeverisë së tij dhe shumë anëtarë të partisë së Z. Rama kanë dhënë dorëheqjen për shkak të përfshirjes së tyre në trafikun e drogës, korrupsionin e shfrenuar dhe format e tjera të krimit të organizuar [10].
Jo më larg se dje Z. Rama, deklaroi publikisht se ai do të vazhdojë të mbetet mik dhe të mbështesë Z. Vangjush Dako [11], ish-kryetarin e bashkisë së Durrësit i cili ishte ndaluar publikisht nga Departamenti Amerikan i Shtetit për përfshirjen e tij në korrupsion madhor [12]. Në mënyrë të ngjashme Z. Rama ka mbështetur qëndruar të gjithë anëtarët e tjerë në partinë apo qeverinë e tij që janë përfshirë në krime të ngjashme, duke u bërë efektivisht një mbështetës dhe bashkëpunëtor në veprimtaritë kriminale dhe shpërdorimin e pushtetit. 60% e shqiptarëve kërkojnë të largohen nga vendi si rezultat i sistemit që zoti Rama ka instaluar në vend [13], dhe numri i emigrantëve rritet çdo vit. Mbi 30,000 shqiptarë jetojnë sot në Kanada – shumë prej tyre janë larguar nga Shqipëria si rezultat i dhunës, pasigurisë ekonomike dhe varfërisë, shkeljes së të drejtave të njeriut dhe paqëndrueshmërisë sociale dhe politike të kryera nga regjime si ai që Z. Rama po rikthen në Shqipëri që nga 2013. Si një shqiptaro-kanadez, unë jam tejet e entuziazmuar kur shoh Kanadane të mbështesë njerëzit e Shqipërisë në raste nevoje. Në të vërtetë, unë vetë udhëtoj shpesh në Shqipëri për të dhënë leksione, për të kryer hulumtime shkencore, për të mbështetur OJQ-të dhe organizata bamirësie dhe për të shkëmbyer vlerat kanadeze në një vend aq shumë në nevojë për aleatë dhe demokraci të vërtetë. Do doja shume që të ishit ngritur për të mbeshtetur të drejtat dhe nevojat e këtyre njerëzve, të cilët aktualisht po shkelen nga personi që ju zgjodhët të përqafoni. Në këto kushte nuk mundem të mbështes me vetëdije këdo që e konsideron zotin Rama mik ose mbështet regjimin e z. Rama. Unë dua të jem krenar për veprimet e qeverisë time, dhe sot nuk jam! Besimi im në udhëheqjen tuaj është thyer, dhe më vjen turp që keni zgjedhur të përqafoheni dhe lavdëroni një bully si zoti Rama. I dashur Kryeministër, me gjithë respektin e duhur besoj se ju i detyroheni një falje të vertete dhe të sinqertë shqiptaro-kanadezëve që japin një kontribut të jashtëzakonshëm për vendin tonë, dhe besimin e të cilëve, ashtu si timin, ju e thyet sot. Ju i detyroheni një ndjesë të sinqertë edhe shqiptarëve në Shqipëri, shpresat e të cilëve i keni shtypur sot duke përqafuar një njeri që nuk meriton të quhet udhëheqës. Shpresoj që ju të shfrytëzoni rastin të reflektoni mbi këtë ngjarje dhe të zgjidhni fjalët tuaja me mençuri për të përfaqësuar Kanadezët dhe vlerat tona në të ardhmen.
Sinqerisht,
Florida Doci PhD(c), MSc, BSc, BA
