PD Malësi e Madhe organizon të dielen, 19 mars 2023, primaret për kandidatët për bashkinë. Mësohet se në primare do të marrin pjesë 4 persona: Isa Ramaj, Kujtim Ibraj, Franc Grishaj dhe Ferdi Sterkaj.
Kandidatët në garë kanë bërë të ditur se do të mundësojnë një garë të pastër dhe fituesi do të ketë mbështetjen e kandidatëve të tjerë në garë për Bashkinë Malësi e Madhe.
Vlen të theksohet se primaret në degën PD Malësi e Madhe, kanë dështuar dy herë për shkak të incidenteve të ndryshme në procesin e votimit.
Fituesi i këtyre primareve, pritet të jetë përballë kryebashkiakut aktual të Malësisë së Madhe, Tonin Marina. Kandidat pritet të nxjerrë edhe PD- ja e grupimit Alibeaj, e regjistruar zyrtarisht në zgjedhjet e 14 maj 2023.
