![](https://www.shkodraweb.com/wp-content/uploads/2024/06/kinema-republika-1024x536.jpg?x87856)
Nga 5 qershori nis në Shkodër eventi “Ekrani i Artit”, i cili ka mbërritur në edicionin e tij të 7- të. Ai do të shtrihet në disa mjedise kulturore të Shkodrës, por edhe në një ambjent që pas 8 nëntorit të vitit të kaluar, i është rikthyer në administrim Bashkisë së Shkodrës.
Bëhet fjalë për kinema “Republika”, e cila pas rreth 22 viteve administrim nga një biznes privat, duke humbur thuajse plotësisht edhe funksionin parësor, pritet të rihapet thjesht dhe vetëm si kinema ku shkodranët të shijojnë këtë art të veçantë.
Gjatë kësaj kohe, është punuar për rikthimin në identitet, riparimin dhe rikonstruksionin e ambjenteve të jashtme por edhe të brendshme. Me “Ekranin e Artit” pritet të startojë aktiviteti normal i kinemasë së vetme aktualisht në qytetin e Shkodrës.