Personi në foton më sipër, është 42-vjeçari Nikolin Marku (Lekstakaj) që u vra pasditen e sotme në një atentat me armë zjarri në Lezhë.
Lekstakaj është baba i 3 fëmijëve dhe dyshohet se vrasja e tij ndodhi për motive gjakmarrje mes fiseve Nikulaj dhe Lekstakaj.
Viktima i cili është banor i fshatit Balldre, e ka banesën rreth 1 kilometër larg nga marketi pranë të cilit edhe u ekzekutua.
Viktima i kishte shpëtuar një atentati edhe në vitin 2012. Mësohet se një sasi lënde plasëse ishte vendosur në mjetin e tij BMW X5 dhe shpërtheu gjatë lëvizjes, por Lekstakaj nuk u lëndua.
Kujtojmë se vetëm 3 muaj më parë, me 19 prill 2023 (data e njëjtë me sot) u vra në lokalin e tij në Shëngjin biznesmeni Ardian Nikulaj, ngjarje për të cilën u akuzua si porositës Edmond Haxhia dhe si ekzekutor 5 shtetas të huaj.
