Një 43-vjeçar shqiptar tentoi të udhëtojë me një pistoletë me vete nga Rinasi drejt Bolonjës në Itali, por u zbulua dhe arrestua nga policia në pikën kufiare. Në një operacion policor të koduar “Short Weapon” nga Policia e Tiranës, Rinasit dhe Durrësit, u arrestua 43-vjeçari me inicialet B.L me banim në Durrës dhe u sekuestrua një pistoletë “Pietro Berreta”, me një krehër me fishekë.
Policia e Shtetit njofton se “Vijon operacioni, në bashkëpunim me homologët italianë, për zbardhjen e qëllimit të 43-vjeçarit që tentoi të udhëtonte me ar.m.ë zjarri drejt Bolonjës”.
Ar.m.a u zbulua gjatë kontrollit me skaner të valixhes së dorës, ndërsa policia thotë se kishte marrë informacione që një person do udhëtonte me ar.m.ë zjarri me vete drejt Italisë dhe e ka mbajtur në vëzhgim deri në momentin e futjes në skaner.
“Në bashkëpunim me Policinë e Durrësit u ushtrua kontroll në banesën e tij në Durrës dhe në përfundim të veprimeve të kryera nga specialistët për Hetimin e Trafiqeve të Paligjshme në Dretorine e Policise Tiranë u bë arrestimi në flagrancë, për veprën penale “Trafikimi i ar.m.ëve dhe municionit”. Policia shqiptare në bashkëpunim me homologët italianë po vijojnë hetimet për identifikimin e bashkëpunëtorëve të tjerë në këtë veprimtari kr.i.minale, si dhe për identifikimin e destinacionit dhe zbardhjen e qëllimit final që i arrestuari ka patur me këtë ar.m.ë”, – njofton Policia e Shtetit
