Një banesë është shkrumbuar nga flakët ditën e sotme në Vaun e Dejës. Ngjarja ka ndodhur në fshatin Mnelë e Vogël në këtë bashki, ku banesa e familjes Gjini është djegur plotësisht. Dyshohet se shkak për zjarrin ka qenë një shkëndijë elektrike.
Ndërkohë 6 pjesëtarët e familjes Gjini kanë mbetur në qiell të hapur. Kryefamiljari Arben Gjini bën apel për ndihmë pasi nuk dinë ku të qëndrojnë në këto ditë të ftohta dimri.
