Ky që shikoni më poshtë është dizajni i modelit më të ri celular të Apple, iPhone 8. Celulari me madhësinë e ekranit 5.8 inç dhe praninë e një fotokamere të dyfishtë do të ketë dhe disa detaje të tjera, të cilat i zbulon ekskluzivisht “Forbes”. iPhone 8 do të ketë një kornizë shumë të hollë dhe një portë Lightning me suportin e karikimit të shpejtë.
Apple do të vendosë sistemin iOS 11 në të. Mësohet se baterinë e iPhone 8, do ta prodhojë kompania e celularëve “LG”, bateri kjo që do të ketë formën L, që do t’i mundësojë Apple të revolucionarizojë dizajnin e telefonit. Forbes, thotë se çmimi do të jetë më shumë se 1000 euro dhe mund të shkojë edhe 1300 euro.
