Ndërhyrja e shpejtë dhe e vendosur e zjarrëfikëse të Shkodrës, ka parandaluar më të keqen në Njësinë Administrative Berdicë në Bashkinë e Shkodrës. Në rrethana të paqarta, të stimuluara nga temperaturat e larta të këtyre ditëve, flakët janë shfaqur në një zonë të banuar në fshatin Berdicë e Madhe.
Kallamishtet dhe shkurret kanë marrë zjarr, i cili po përhapej me shpejtësi duke rrezikuar edhe benasa aty pranë. Menjëherë në vendngjarje kanë mbërritur zjarrëfikësit e Shkodrës, të cilët ia kanë dalë të parandalojnë përhapjen e zjarrit.
Këto ditë të nxehta të verës, stimulojnë zjarret, ndërsa kujdesi i banorëve dhe gatishmëria e Zjarrëfikëseve duhegt të jetë dyfish më e lartë. Nuk kanë munguar rastet, kur flakët kanë rrezikuar seriozisht pronat dhe jetët e njerëzve. /ShkodraWeb Media/
