Fytyrat e disa zyrtarëve të mazhornacës, përfshi dhe kryeministrin Edi Rama, janë stampuar në vende të ndryshme në Tiranë. Bëhet fjalë për grafite, të cilat zakonisht mbulojnë mure të harruara dhe që pikturohen nga të rinjtë. Në qendër të tyre janë figura të njohura të mazhorancës si Edi Rama, Taulant Balla dhe ish- ministrat e brendshëm Tahiri dhe Fatmir Xhafaj. Ato mbajnë mbishkrimin ‘Narcos’, duke iu referua kështu filmit të famshëm të trafikantit Pablo Eskobar.
Nuk dihet kush janë autorët e këtyre fotove që kanë mbushur Tiranën. Dy ditë më parë foto të ngjashme me këto ishin përhapur edhe për kryebashkiakun Erion Veliaj. Ato mbanin mbishkrime të ndryshme si ‘shpellar’, ‘mashtrues’ etj. Kujtojmë që prej rreth një muaji protestojnë banorët e ‘Astirit’, të cilët kundërshtojnë prishjen e shtëpive të tyre.
