Një aksident i rëndë ka ndodhur sot në mbrëmje në Tapizë të Fushë-Krujës, ku pas përplasjes së dy makinave ka ndërruar jetë njëri prej shoferëve, ndërsa kanë mbetur të plagosur dy persona të tjerë. Përplasja ka rezultuar fatale për njërin prej drejtuesve të mjeteve, Qemal Shabani, rreth 60 vjeç.
Ndërkaq, të lënduar kanë mbetur drejtuesi i makinës tjetër shtetasi P. K., 29 vjeç dhe shtetësja Sh. Sh., 39 vjeçe pasagjere në mjet, të cilët ndodhen në spital nën kujdesin e mjekëve.
Njoftimi i plotë
Më datë 23.07.2021, rreth orës 22:00, në Tapizë, Fushë Krujë, janë përfshirë në aksident rrugor 2 mjete. Si pasojë e përplasjes ka ndërruar jetë drejtuesi i njërit mjet shtetasi Qemal Shabani, rreth 60 vjeç. Gjithashtu është lënduar drejtuesi i mjetit tjetër shtetasi P. K., 29 vjeç dhe shtetësja Sh. Sh., 39 vjeçe pasagjere në mjet, të cilët ndodhen në spital nën kujdesin e mjekëve.
Grupi hetimor ndodhet në vendngjarje dhe po punon për përcaktimin e shkakut të aksidentit.
