Aktori i njohur Xhevdet Ferri u nda nga jeta rreth dy javë më parë. Largimi i tij nga jeta ishte një humbje e madhe për familjen e tij si edhe për gjithë shqiptarët që vlerësonin kontributin e tij në kinematografi dhe në skenë.
Ndaj vajza e tij Bora e kujton me mall. Në një postim në Instagram, ajo tregon sesa shumë i mungon babai. Ndërsa shprehet se lamtumirat nuk janë përgjithmonë pasi një ditë do takohen sërish bashkë.
“Lamtumirat nuk janë përgjithmonë, lamtumirat nuk janë fundi. Thjesht do të thotë se do më mungosh derisa të takohemi sërish bashkë,”– shkruan ajo.
Ndërsa më pas shton: “Më mungon Papi.”
