![](https://www.shkodraweb.com/wp-content/uploads/2021/09/davide-pecorelli-luk-tjeter.jpg?x87856)
Gjykata e Shkodrës ka dënuar me 4 vite burg italianin që inskenoj vdekjen e tij, Davide Pecorellin, sipërmarrësit nga Tiferno, i cili inskenoi vdekjen e tij në Shqipëri dhe që më pas u rishfaq në Itali në mënyrë më shumë se të guximshme.
Ai akuzohet për zjarrvënie, shkelje të kufijve kombëtarë shqiptarë si emigrant ilegal dhe pengim për zbardhjen e së vërtetës. Prokuroria kishte kërkuar 12 vite burg për të.
Kujtojmë se nga hetimet e Policisë së Shtetit të Perugias rezultoi se, në janar të vitit 2021, 47-vjeçari, për të shmangur borxhet financiare të kontraktuara në Itali, i kishte vënë flakën makinës së marrë me qira në Shqipëri.
Brenda automjetit u gjetën eshtrat e një personi, për të bërë më të besueshme vdekjen e tij. Më pas ai u gjet i gjallë më 17 janar 2021, në ishullin Montecristo (Itali).
Ndërkohë, në vitin 2023 italiani është diplomuar në inxhinieri dhe është në pritje të provimit me zë për mësues. Në dhjetorin e kaluar ishte martuar me një vajzë shqiptare, të identifikuar me emrin Jonida.