![](https://www.shkodraweb.com/wp-content/uploads/2023/01/rozeta-havier-dobi-gjykate.jpeg?x87856)
Gjykata ka dhënë sot vendimin për Alda Klosin, Rozeta Dobin dhe Havier Dobin. Gjykata vendosi për ish-shefen e kabinetit të ish-ministrit të Shtetit për Rindërtimin Arben Ahmetajt, Alda Klosi dënimin me 2 vite e 6 muaj burgim, por do të aplikohet edhe gjykimi i shkurtuar.
Ndërkohë, Havier Dobi u dënua me 5 vite burg, por me gjykim të shkurtuar dënohet me 3.4 vite. Rozeta Dobi u dënuar me 7 vite burg, por me gjykim të shkurtuar, dënimi i saj reduktohet në 4 vite e 8 muaj. Rozeta dhe i biri shfaqën pendesë gjatë seancës së sotme.
Gjatë rrëfimit të saj para togave të zeza, Rozeta Dobi ka mohuar që të ketë vjedhur shumën e parave të thëna sot nga prokuroria. Ajo tha se ato para ia kishte dhënë Alda Klosi, që t’i fshihte në banesën e saj dhe do ia kthente në një moment të dytë.
“Se pari shpreh pendesën time për çdo gjë që ka ndodhur. Kërkoj mëshirën tuaj ne dhënien e vendimit, ate shume parash Alda Klosi me ka kërkua qe ti mbaj dhe ne nje moment te dyte do te ja ktheja tek shtëpia e saj, unë nuk kam vjedhur, me vjen keq e kam mbajt familjen me pune te ndershme. S’kam dashur t’i bej asgjë keq. Une skam lidhje fare me unazën e Ervin Karamuços. Varësja ka qene e ish-bashkëshortes se bashkëshortit tim të ndjerë. Më ka kërkuar që t’i mbaja. Kete inskenim ajo e ka bere qe te fajësojë ish-bashkëshortin e saj”, tha ajo.
Mbrojta e Rozeta Dobit kërkoi në sallën e gjyqit që klientes së saj t’i ktheheshin 25 mijë euro, dhe 1 milion lekë të vjetra. Prokuroria thekson se gjatë analizës financiare nuk rezulton që Dobi t’i këtë krijuar me burime të ligjshme.
Ndërkohë Mbrojtja e Havier Dobit, i cili së bashku me nënën akuzohen se vodhën në shtëpinë e Alda Klosit shumën prej 462 mije euro, ka pranuar fajësinë dhe ka shfaqur pendesë.
Në emër të tij ka folur avokati i cili kërkuoi që Havieri të dënohet me shërbim prove dhe jo me burg, pasi është i vetmi që mund të sigurojë të ardhura për familjen.
Mbrojta e Havier Dobit: Ai e ka pranuar veprën penale dhe ka shprehur pendesë të thellë për atë që ka kryer. Havieri është i vetmi që mund të siguroje të ardhura për familjen. Gjykata të ketë parasysh rrethana lehtësuese, për këto arsye, vlerësojmë që të mos dënohet me burg por me shërbim prove.