Kosova e mbylli me një fitore dramatike ndeshjen e tretë në grupin A, me shifrat 2-3, në transfertë ndaj Bullgarisë.
Pjesa e parë nisi mjaft mirë për Kosovën, që mori menjëherë kontrollin e lojës, dhe vetëm në minutën e 14-të, Rashica zhbllokoi shifrat, me një goditje të bukur me të djathtën nga brenda zone, teksa një krosim i Vojvodës nuk u largua mirë nga mbrojtja.
Me kalimin e minutave Kosova menaxhoi avantazhin, por kur nuk pritej, në minutën e 43-të, Popov me një goditje të fortë nga hyrja e zonës, e çoi topin në fundin e rrjetës. Në barazim 1-1 u mbyll pjesa e parë, por me fillimin e të dytës, Dimitrov, 10 minuta në fushë, shënoi golin e dytë për Bullgarinë.
Dimitrov me kokë mposhti Kosovën për të çuar në avantazh vendasin. Gjithsesi, barazimi erdhi shumë shpejt, dhe në minutën e 64-t, ishte Muriqi me kokë që shënoi golin e dytë për ekipin e Shaland.
Pas 4 mintave, Muriqi shënoi sërish me kokë, por ishtenë pozicion jashtë loje. Goli i fitores erdhi vetëm në sekondat e fundit, ku Rashani shënoi me kokë në minutën e 93-të, pas një krosimi mjaft të bukur të Rashicës.
Kështu, Kosova merr fitoren e parë në grup, pas dy barazimeve, dhe tani e sheh veten me 5 pikë, në vendin e tretë, një më pak se Republika Çeke.
