Deputetët aktualë, ashtu si ligjvënësit e legjislaturës së kaluar, kanë shfrytëzuar privilegjet që burojnë nga statusi i deputetit. 21 deputetë kanë aplikuar dhe përfitojnë rreth 300 euro në muaj rimbursim, me pretendimin se jetojnë me qira në Tiranë. Ata kanë paraqitur në Kuvend nga një kontratë qiraje sikur banojnë në shtëpitë e pretenduara, ndonëse ka dyshime të forta se kontratat mund të jenë fiktive. Në një studim të mëparshëm të Institutit të Studimeve Politike thuhet se disa deputetët, edhe pse kanë 2-3 banesa në Tiranë, shpallen të pastrehë në kryeqytet, për të përfituar pagesa nga buxheti i shtetit për strehim dhe udhëtime.
Ndërkaq, nga dokumentacioni për shpenzimet për deputetët, rezulton se gjashtë deputetë kanë marrë shpesh herë para publike për të mbuluar fjetjen në hotele. Ata janë Luan Baci, Ilir Topi, Lindita Metaliaj, Luçiano Boçi, Ina Zhupa dhe Anila Denaj. Theksojmë se këto pagesa nga buxheti i shtetit janë të ligjshme, pasi bazohen në ligjin për statutin e deputetit.
Të gjithë deputetët, përpos pagës mujore bruto 156 770 lekë (neto 116 378 lekë), përfitojnë 17 000 lekë për pagesë fikse mujore për mbulimin e shpenzimeve për telefon, 40 000 lekë për karburant, 40 000 deri në 70 000 lekë dieta për udhëtime, 10 000 deri në 20 000 lekë honorare për mbledhjet e komisioneve të përhershme parlamentare. Kështu, në total, një deputet, merr në muaj 2 mijë USD deri në 2 500 USD në muaj.
Disa deputetë dhe ish deputetë janë lakuar se kanë përfituar fonde publike, prona dhe koncesione, përmes të afërmeve të tyre, tek të cilët kanë kaluar kompanitë formalisht. Megjithatë, deri më sot, Gjykata Kushtetuese u ka hequr mandatin vetëm dy deputetëve, Ilir Beqajt dhe Koço Kokëdhimës, për përfitim të asteve publike në kundërshtim me kushtet e mbajtjes së mandatit.
Deputetët dhe pagesat përkatëse për fjetje në hotel dhe qira banese
Luan Baci, 36 000 lekë, fjetje në hotel
Ilir Topi, 15 000 lekë, fjetje në hotel
Lindita Metaliaj, 24 000 lekë, fjetje në hotel
Luçiano Boçi, 36 000 lekë, fjetje në hotel
Ina Zhupa, 12 000 lekë, fjetje në hotel
Anila Denaj, 18 000 lekë, fjetje në hotel
Mirela Pitushi, 35 000 lekë në muaj, rimbursim qiraje banese
Hatixhe Konomi, 35 000 lekë në muaj, rimbursim qiraje banese
Pranvera Resulaj, 35 000 lekë në muaj, rimbursim qiraje banese
Anduel Tahiraj, 35 000 lekë në muaj, rimbursim qiraje banese
Niko Kuri, 35 000 lekë në muaj, rimbursim qiraje banese
Saimir Korreshi, 35 000 lekë në muaj, rimbursim qiraje banese
Eralda Bano, 35 000 lekë në muaj, rimbursim qiraje banese
Greta Bardeli, 35 000 lekë në muaj, rimbursim qiraje banese
Gledis Çeliku, 35 000 lekë në muaj, rimbursim qiraje banese
Meri Markiçi, 35 000 lekë në muaj, rimbursim qiraje banese
Arbi Agalliu, 35 000 lekë në muaj, rimbursim qiraje banese
Baftjar Zeqaj, 35 000 lekë në muaj, rimbursim qiraje banese
Sorina Koti, 35 000 lekë në muaj, rimbursim qiraje banese
Teuta Ramaj, 35 000 lekë në muaj, rimbursim qiraje banese
Enslemvera Zake, 35 000 lekë në muaj, rimbursim qiraje banese
Besion Ajazi, 35 000 lekë në muaj, rimbursim qiraje banese
Ilda Dhori, 35 000 lekë në muaj, rimbursim qiraje banese
Nustret Avdulla, 35 000 lekë në muaj, rimbursim qiraje banese
Fadil Nasufi, 35 000 lekë në muaj, rimbursim qiraje banese
Ilirjan Pendavinji, 35 000 lekë në muaj, rimbursim qiraje banese
Antoneta Dhima, 35 000 lekë në muaj, rimbursim qiraje banese /Shqiptarja.com/
