Kandidati i Partisë Demokratike Xhemal Bushati i cili përfundoi i treti në zgjedhjet e pjesshme vendore për bashkinë e Shkodrës ka deklaruar se kryedemokrati Lulzim Basha nuk duhet ta japë në asnjë mënyrë dorëheqjen nga drejtimi i selisë blu.
Në një prononcim për mediat, ai vuri në dukje se lidership më të ri se Lulzim Basha nuk ka deri më tani në Partinë Demokratike edhe pse sipas tij, do të bëhet një analizë për atë çfarë ndodhi në zgjedhjet e pjesshme vendore.
Prononcimi për mediat i Xhemal Bushatit:
A duhet të japë dorëheqjen z. Basha?
Bushati: Në asnjë mënyrë!
Keni dalë i treti z. Bushati në Shkodër, kush është përgjegjës për humbjen?
Bushati: Ne dhamë modelin më të mirë.
Po dolët i treti, nuk keni marrë as 10 mijë vota?
Bushati: E vërtetë, po do bëjmë analizën e zgjedhjeve dhe do dalin problematikat.
A duhet një lidership i ri?
Bushati: Më i ri se z. Basha s’ka lidership.
