![](https://www.shkodraweb.com/wp-content/uploads/2021/07/policia-liqeni-koman.jpg?x87856)
-Informacion paraprak/Rreth orës 08:40, është gjetur i pajetë në liqenin e Komanit, shtetasi K. Gj., 77 vjeç, banues në fshatin Buzhalë, i cili dyshohet se është mbytur.
Grupi hetimor po punon për sqarimin e rrethanave të rastit.
-Sektori i Policisë Rrugore arrestoi shtetasit:
Sh. M., 61 vjeç, banues në fshatin Grizhe, pasi u kap duke drejtuar motomjetin, pa leje drejtimi;
M. G., 47 vjeç, banues në Shkodër, pasi u kap duke drejtuar automjetin, në gjendje të dehur.
-Komisariati i Policisë Shkoder referoi materialet në Prokurori, ku filloi procedimi në gjendje të lirë për shtetasin A. K., banues në fshatin Gajtan i Sipërm, pasi nga kontrollet dhe verifikimet e kryera në bashkëpunim me shërbimet e OSHEE-së, u konstatua se në banesë, kishte lidhje të paligjshme të energjisë elektrike.
-Stacioni i Policisë Velipojë referoi materialet shtesë në Prokurori, ku nisi procedimi penal për shtetasin E. P., 39 vjeç, banues në Shkodër, pasi ka bërë kallëzim një 24-vjeçar, se ky shtetas e ka goditur me grusht, në fytyrë, për motive të dobëta.
-Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.