Pasditen e kësaj të mërkure Shkodra ishte në prag të një tragjedie të dytë, pas asaj të regjistruar në Maj, kur Alma Arrazi së bashku me 3 të vegjlit e saj mori vendimin ekstrem për tu vetëmbytur në ujërat e lumit Buna.
Ndërkohë që këtë të mërkurë, fatmirësisht ngjarja u parandalua, një nënë së bashku me 4 të vegjlit e saj tentoi të vetëmbytej. Mësohet se 27-vjeçarja prej disa kohësh është divorcuar nga bashkëshorti i saj dhe ishte shpërngulur tek prindërit.
Teksa ajo që u vu re edhe nga efektivët e policisë ishte gjendja e saj e psikologjike e rënduar, diçka e cila ishte vënë re edhe nga familjarët e saj.
Por pak minuta se të ndërmerrte tentativë e vetëmbytjes, e reja ka komunikuar me një nga familjarët e saj dhe këta të fundit kanë lajmëruar efektivët e policisë të cilët në kohë rekord kanë mbërritur pranë vendit ku ishte pozicionuar 27-vjeçarja dhe 4 të vegjlit e saj.
27-vjeccarja u shoqërua në policinë vendore të Shkodrës duke dhënë dëshminë e saj dhe duke treguar problemet e prag divorcit dhe kushtet jo shumë të favorshme ekonomike e vetme me 4 fëmijët.
Një ngjarje e ngjashme ndodhi në fillim të muajit maj të këtij viti kur shtetasja Alma Arrazi i dha fund jetës bashkë me tre fëmijët e saj në ujërat e lumit Drin ndërsa policia arrestoi bashkëshortin e saj Erdgys Arrazi, i dyshuar për dhunë psikologjike në familje dhe si shkaktar i vetëmbytjes.
Ngjarja e Alma Arrazit është ndër më të rëndat në këto 30 vite në Shqipëri ndërsa tentativa e 27 vjeçares për të kryer të njëjtin akt tragjik vetëm 2 muaj e gjysmë më vonë është një këmbanë alarmi. Policia vijon hetimet lidhur më këtë ngjarje të rëndë e cila u parandaluar në kohë.
Njoftimi i Policisë Shkodër
Ndërhyrja e Policisë parandaloi një ngjarje të rëndë.
Tentoi të hidhej në lumin Buna, bashkë me 4 fëmijët e saj të mitur, falë ndërhyrjes së shpejtë nga patrulla e përgjithshme që patrullonte në zonë, pengohet 27-vjeçarja.
Menjëherë pas marrjes së njoftimit, rreth orës 14:15, se një shtetase po tentonte të hidhej në lumin Buna, bashkë me 4 fëmijët e saj, shërbimet e Policisë që patrullonin në zonë, kanë ndërhyrë duke penguar 27-vjeçaren, e cila po tentonte të hidhej në lumë, bashkë me 4 fëmijët e saj 7, 5, 3 dhe 1 vjeç.
27-vjeçarja dhe fëmijët e saj u shoqëruan në ambientet e Komisariatit të Policisë Shkodër.
Grupi hetimor vijon punën për sqarimin e rrethanave të rastit.
