Një aksident me pasojë vdekjen e një 60-vjeçari ka ndodhur mëngjesin e sotëm në autostradën Thumanë-Tiranë. Një automjet i tipit “Volkswagen” është përplasur me mjetin tip “Audi”, ndërsa si pasojë e përplasjes ka humbur jetën një nga drejtuesit.
Dyshohet që shkak i aksidentit të jenë punimet që po kryhen nga firma “Gener 2”, për rikonstruksionin e kësaj rruge e cila ka shfaqur probleme të mëdha në disa pika të saj.
Konkretisht në vendin ku ka ndodhur aksidenti po asfaltohet një pjese e një korsie e cila ka pësuar ulje e dëmtime që pa u hapur akoma.
Krujë/Informacion paraprak
Më datë 04.10.2024, rreth orës 07:10, në autostradën Thumanë-Tiranë, në vendin e quajtur “Ura e Gjolës”, mjeti tip “Volkswagen” me drejtues shtetasin Lazer Firza, rreth 60 vjeç, është përplasur me mjetin tip “Audi”, me drejtues shtetasin I. P.
Si pasojë e dëmtimeve të marra nga aksidenti shtetasi Lazer Firza, ka ndërruar jetë në spital. Grupi hetimor po punon për sqarimin e rrethanave të aksidentit.
