Është aksidentuar për vdekje një 62- vjeçar nga Fieri, i cili ishte duke drejtuar mjetin e tij, zetor. Ngjarja e rëndë ka ndodhur në fshatin Levan, në një rrugë dytësore ku viktima Llazar Peto, ka dalë nga rruga. Si pasojë e këtij aksidenti, për fat të keq ai ka gjetur vdekjen e menjëhershme.
Informacion paraprak i policisë
Në datën 07.06.2018, rreth orës 19:40, në fshatin Levan, Fier, në një rrugë dytësore, Levan-Frakull, shtetasi Ll.P, 62 vjeç, banues në Levan, duke drejtuar mjetin bujqësor zetor me tre rrota, ka dalë nga rruga.
Si pasojë ka gjetur vdekjen e menjëhershme drejtuesi i mjetit. Grupi hetimor po punon për zbardhjen e plotë të ngjarjes.
