Pas një lajmi në media se ishin bllokuar financat, kompania Air Albania reagon duke theksuar se asnjë llogari e kompanisë nuk është sekuestruar dhe çdo pohim ndryshe është një ekzagjerim i rremë i një procedure private të kompanisë me palë të treta përmbaruese.
Reagimi i plotë:
Duke marrë shkas nga interesimet mediatike rreth aktivitetit tregtar të Air Albania qartëson opinionin publik se asnjë llogari e kompanisë nuk është sekuestruar dhe çdo pohim ndryshe është një ekzagjerim i rremë i një procedure private të kompanisë me palë të treta përmbaruese. Kjo lloj procedure shfaqet rregullisht në sektorin tregtar dhe nuk ka ndonjë ndikim të drejtpërdrejtë në punën tonë të përditshme. Air Albania mbetet e përkushtuar për të ofruar një përvojë të shkëlqyer udhëtimi me oferta të dedikuara dhe me komoditet të plotë për pasagjerët.
Rreth Air Albania
Air Albania është një kompani ajrore që operon me sukses në tregun e transportit ajror civil në Shqipëri dhe më gjerë. Me një flotë të pasur dhe një angazhim të vazhdueshëm për shërbim të shkëlqyer, Air Albania ofron një përvojë të jashtëzakonshme udhëtimi për pasagjerët.
