I ka shqetësuar disi kandidimi i mundëshëm i Benet Becit, foltoristët në Shkodër! Janë disi konfuz dhe sigurisht, po tentojnë të përgatisin diskursin të zakonshëm të tyre që zakonisht nuk ka argument, por sharje apo denigrim në mos intrigë dhe llapaqenëri! Por nuk po gjejnë akoma “argumenta tipikë të tyre kaq të larta” në përdorim! Kur thonë vjen nga Tirana në fakt po ashtu ju vjen dhe Bardhi i tyre!
Nuk akuzojnë dot për komunist, sepse e dinë që sigurisht ka bashkëpunuar në drejtim të Fondit Shqiptar dhe me ish komunistin Berisha! Biles Berisha 10.000 km e famshme të tij me Benetin i bëri, pavarësisht se ky i fundit e di saktë sa janë të shkretat, duke qenë se ishte vetë ai realizuesi në fjalë! Nuk e akuzojnë dot për të pa aftë, se do ti binin ndesh jo vetëm të vërtetës, por dhe realitetit me SB. Nuk e akuzojnë dot për jo familje qytetare shkodrane. E ju mungon argumenti i dijenive reale ( shpikin boll por..) për akuzë korrupsioni dhe pasurie, si ju bëjnë të tjerëve. Nuk shpjegojnë dot me mendjet e tyre Berishkë, pse nuk e hoqi Rama dhe nuk arrijnë të kuptojnë ( refuzojnë) pse Beci, peshon dhe në respektin që kanë partnerët financiarë të huaj te ai!
E dinë se ka projekte si PS, Rama dhe ai vetë për Shkodrën! Nuk është shpallur akoma kandidatura e tij, por kanë nisur dhe lëvizin “agjitatorët” në qytet, anti Benet! Por ky është moment elektoral dhe nuk ka ndonjë hata të madhe. Por zgjedhjet në Shqipëri nga ato në Shkodër kanë një ndryshim që bën pastaj dhe atë që unë them, si pothuaj e “njëjta” tyre! Pushteti politik i pozitës në Tiranën politike, ka dy mandate dhe vite pak më shumë! Edhe ai vendor pothuaj i gjithë! Ka ardhur si pasojë e një degradi të opozitës së përçarë dhe me vendime të theksuara anti demokraci si dalja nga Kuvendi dhe nga zgjedhjet!
Të dyja me bekimin e Berishës dhe mentalitetin e tij sigurisht! Ka ardhur sepse elektorati ( në shumicë) është më i sigurtë me Ramën sot, se me Berishën nongrata dhe për arsye të ndryshme! Po dhe njëra prej tyre është se nuk konsumohet vetëm PS dhe pozita në pushtet, por dhe PD dhe opozita në pikërisht opozitë! Kjo është e pa arsyeshme dhe e pa logjikshme, por ja që është në Shqipëri. E sigurisht “bonusi” i takon atij në pushtet! I takon dhe shërbimin më të mirë e ka bërë Foltorja, Berisha dhe modeli tyre copë copë! Mirëpo e ndryshmja e njëjtë në garën e Shkodrës është se pushteti vendor në Shkodër ka që mbas vitit 1991, që mbahet nga Berisha me një gjysëm përjashtimi, por dhe ai jo kaq shumë real në 97-tën kur Shkodra doli më djathtas nga vendime anti logjikës qytetare të Berishës! E këtë nuk duhet ta harrojnë ata që e dinë Berishën të pa thyeshëm në Shkodër.
Por për 32 vite, ai ka bërë me pushtetin vendor në Shkodër si ka dashur dhe për keq dhe kush do të thotë dhe mirë! Në Shkodër, pushteti vendor i ngjan pushtetit komunist dikur. Është monokolor dhe me një degrad familjaro politik, që tani është kthyer në “grupo enigmatik” të fryrë ideshë të ndryshme. Por zyrat dhe beneficet si dhe administrimi është një dëshmi se si nuk duhet të jetë një bashki! Është turp sidomos ai administrim i shtatë – tetë viteve të fundit. I kthyer në një marrëzi kolektive! E duke qenë se janë pothuaj në pushtet sa regjimi i Enver Hoxhës (deri sa kishte trutë në rregull, jo kur i ikën) e dinë pushtetin të tyrin si logjikë e pa ndryshueshme politike.
Kanë këtë bestytni dhe dikush dikush idiotësinë e të thënit se: edhe magjypin (respekt komunitetin rom dhe egjyptian, por kështu thonë ata) të vendosë PD ajo fiton. E për fat të keq nuk e thonë në PD vetëm, por dhe në….!? Janë dhe mos mirënjohës dhe arrogantë me “fitoren” e Foltores me Bardhin, kur e dinë se mos ishin votat e Agron Çelës sot Bardhi nuk do ishte në atë zyrë, por do të ishte znj Angoni! Janë shqetësuar në fakt dhe presin! Nuk kanë ndryshuar shumë mendërisht, as me Bardhin! E dëgjova që tha: kemi çuar 40 projekte, por qeveria nuk …! Po, por asnjë projekt që kishte refuzuar qeveria nuk e tregoi. Biles as e pyetën, se kush ishin këto projekte dhe pse nuk donte qeveria ti financonte? Po fillon e njëjta skemë me dikur Voltanën se – komunistatat nuk japin pare për Shkodrën.
Me sa duket dhe Bardhi këtë “patologji” do të ketë dhe kjo është për të ardhur keq! E këto janë “pothuaj dy të njëjtat” e garës Shqipëri – Shkodër! Sigurisht në Shqipëri pushteti vendor është i PS-së, por në Shkodër ai ka 32 vite që është i PD-së! E në qoftëse logjika është që në Shqipëri bëhet garë normale. Në Shkodër anormalitetin e bën – pushteti asgjëbërës, por tepër i instaluar në butaforinë politike që shpall “antikomunista” shërbëtorët më të devotshëm të komunistave! E ky është dhe problemi i madh! Beteja për Shkodrën në fakt është më e madhja dhe më e rëndësishmja dhe për PS! Po sigurisht dhe ajo duhet të demostrojë që nuk do ta lërë Shkodrën të jetë thjesht kundështare politike!
Po pra për “pluralizëm” të shëmtuar laboratorik! PS duhet të tentojë ta nxjerrë Shkodrën jashtë skemës së mungesës së alternativës, përveç ish komunistit Sali Berisha që ka 32 vite që ka degraduar qytetin absolutisht më shumë se “komunizmi vetë”! Po dhe atëhere me gjithë persekutimin klasor dhe politik të madh, Shkodra ishte më mirë kulturalisht dhe ekonomikisht, në krahësim me të tjerat në Shqipëri se sa sot. Shumë më mirë! Ata duhet të ndalin degradin ekonomik dhe politik të projektuar në laboratorin e Foltore -Shqup-it. Përndryshe Shkodra do të heqë shumë keq. /Nga Besi BEKTESHI/
