Gjeografia është një ndër disiplinat më favorizuese sepse merr në analizë aspektet natyrore të territorit, aspektet sociale dhe humane si dhe mënyrën e zhvillimit të mjedisit në të ardhmen.
Gjeografia përfaqëson shkencën që zbërthen dhe analizon lidhjet dhe ndërvarësitë që ekzistojnë mes shoqërisë dhe mjedisit në të cilin inidividi jeton. Vlera e saj shtrihet si në dimensionin teorik, ashtu edhe në atë praktik, duke kontribuar veçanërisht në zgjidhjen e problemeve dhe përballimin e sfidave me të cilat ndeshet shoqëria aktuale, si dhe në përcaktimin e modeleve optimale të zhvillimit socio-hapësinor.
Nevoja e gjeografisë në raport me shërbimet që ajo i mundëson shoqërisë po bëhet gjithnjë e më e ngushtme. Studimi i marrëdhënies njeri-natyrë na lejon të kuptojmë se si veprimet tona ndikojnë në hapësirën territoriale që ne zëmë, e cila nga ana tjetër siguron mjetet e nevojshme që njerëzit të riorientojnë veprimet e tyre ndaj mjedisit.
Nga ana tjetër, zbatimi i informatikës në disiplina të ndryshme studimore ka luajtur një rol të rëndësishëm në evolucionin e Gjeografisë si shkencë, pasi përparimet teknologjike në hartografim kanë lejuar zhvillimin e një sistemi të automatizuar të gjeografisë, siç është GIS (Sistemet e Informacionit Gjeografik).
Praktikisht gjeografia bën bashkë të gjithë pjesët përbërëse të një mozaiku duke analizuar hapësirën që nga niveli lokal deri në atë global. Gjeografia i përgjigjet disa pyetjeve që shqetësojnë njerëzimin sot, që kanë lidhje me natyrën, ndryshimet mjedisore, ekonominë, popullsinë, aspektet sociale dhe kulturore.
Programet mësimore që ofrohen pranë degës së Gjeografisë në UNISHK janë:
– Bachelor në “Gjeografi”;
– Master Profesional në “Mësuesi Histori-Gjeografi”;
– Master Shkencor “Studime Regjionale në Gjeografi”;
– Kurs Profesional “Udhërrëfyes turistik dhe menaxhues i itinerareve turistike”;
– Bachelor në “Gjeografi dhe Zhvillim i Territorit”.
Së fundi, gjeografia është një disiplinë e harmonizuar që u siguron studentëve jo vetëm mundësi të shumta karriere, por gjithashtu u siguron njohuri për botën tonë që ndryshon me shpejtësi dhe se si njerëzit ndikojnë në planetin tonë.
Nëse doni të kuptoni më mirë botën apo të ndihmoni në përmirësimin e së ardhmes, atëherë Zgjidhni Gjeografinë!
Apliko tani në https://ualbania.al/
