![](https://www.shkodraweb.com/wp-content/uploads/2017/10/kryeministribullgar840.jpg?x87856)
Kryeministri i Bullgarisë, Bojko Borisov, ka vlerësuar pozitivisht nismën e Shqipërisë për të njohur minoritetin bullgar. Në një reagim në “Twitter”, kryeministri Borisov shkruan se ky është një moment historik për Bullgarinë, ku pas 104 vitesh Shqipëria njeh bashkësinë etnike bullgare.
“Moment historik për Bullgarinë, pas 104 vitesh Shqipëria e njohu bashkësinë etnike bullgare”, shkruan kryeministri Borisov, sipas të cilit kjo njohje është rezultat i përpjekjeve të jashtëzakonshme që diplomacia bullgare ka bërë në mbrojtje të të drejtave të bullgarëve jashtë kufijve të vendit.
Ndërkohë, vetëm pak ditë më parë, Komisioni parlamentar i ligjeve ka miratuar projektligjin për pakicat kombëtare, ku një prej pikave të rëndësishme të këtij ligji ishte njohja e pakicës bullgare si minoritet.