Ish-ministri i Shëndetësisë, Nard Ndoka ka reaguar pasi kryeministri Edi Rama e ka tallur publikisht gjatë punimeve të Kongresit të Partisë Socialiste.
Gjatë fjalës së tij, Edi Rama ironizoi me ish-ministrin e qeverisë Berisha, aleatin e Partisë Demokristiane, Nard Ndoka. Por ky i fundit i është përgjigjur në Facebook, duke thënë se në kohën kur qeveriste Berisha, kishte “reforma dhe jo koncensione”.
“O Edo, o toç, në kohën tonë kishte reforma, jo koncesione!”, shkruan Nard Ndoka, ku në një komenton shton se: “Po e falimentoj sistemin shëndetësor me koncesione e PPP dhe ju tregon përralla “kongresmenve” të partisë!”.
Çfarë deklaroi Edi Rama!
Edi Rama: “Parafytyroni që shëndetësia për vite ishte sektori që u jepej nga partia e madhe kaçakëve të koalicionit sepse askush nuk donte t’ia dinte për shëndetësinë ishte një kockë për tua hedhur bandave politike, dhe simboli i këtij ndryshimi për të mos thënë fjalë të gjata ka dy fjalë: Nard Ndoka ministër i shëndetësisë.
Merreni me mend vetë takimin në zyrën e ministrit mes COVID dhe Nard Ndokën!”.
