![](https://www.shkodraweb.com/wp-content/uploads/2021/06/alen-sherri-kombetare.jpg?x87856)
Alen Sherri, nuk bën te Vllaznia…? Ai është i paaftë!? Kështu janë shpreh drejtuesit e saj kur e larguan… Ç’ ka do thojnë ata, se me këtë rast, atyre ju hasi “sharra në gozhdë”. Pra kështu po e nis shkrimin, në adresë të drejtuesve të futbollit shkodran.
Ata me mentalitet “anadollak” e larguan atë por dhe shumë të tjerë talente nga Vllaznia si të “paaftë”. Dhe Aleni për ata ishte i padëshiruar. Ai nuk ishte pjesë e skenarëve të tyre dhe dolën me “alibi” se ai “nuk bën” dhe e larguan…
Të gjithë e kanë pritë me shqetësim largimin e tij por e kanë kalu në heshtje. Fryti i ëmbël shijohet nga njerëzit me dinjitet e të ndershëm, ata që njohin vlera. Nuk shkoi një muaj, ai u aktivizu me sukses te Laçi.
Sot ai mbron me dinjitet portën e “Egnatias”, kryesuese e Superligës Shqiptare. Për vlerat e tija të padiskutueshme në porte, ai është thirrë te Kombëtarja.
Do pyes: A është rastësi, fat apo baba i tij Naimi ka fut mik te Silvinjo ta thërrasë atë në Kombëtare…?! Por për drejtuesit shkodran ai ishte i “paaftë”?! Une se di por do thoja asnjëra nuk ekziston.
Po ekziston fakti se Sherri, si i aftë për portën, atë e ka nuhatë me mjeshtëri “strategu” Silvinjo, ndaj dhe pa mëdyshje e ka thirrë te grupi i tij, të mbrojë portën Shqiptare, mbas Berishës e Strakoshës.
Rëndësi ka që ai është aty, bashkë me Brojën, Kumbullën, Mitaj e Hysajn që krijojnë një grup solid shkodran. Asnjëherë Kombëtarja Shqiptare nuk ka pasë 5 lojtarë shkodranë në radhët e saj që pas asaj të ’46- ës.
Me zemër i uroj Alenit suksese të mëtejshme, të ulë kokën e të punojë sa më shumë, ta vlerësojë në maksimum besimin e Silvinjos, pse jo, ta shohim atë sa më parë të mbrojë portën shqiptare, si pjesëmarrës në Kampionatin Europian të 2024- ës.
Ky shkrim është apel i fuqishëm për ata që po mbajnë peng Vllazninë. Ata sa me parë, të largojnë mentalitetin e tyre anadollak. Të zgjohen nga gjumi letargjik, e ti thërrasin mendjes, se Vllazia sot është në rënie të lirë drejt Kategorisë së Pare, ç’ ka për momentin vetëm 2 pikë larg na ndajnë. /Nga Faik SADIKU, publikuar në Facebook/