Në selinë e Partisë Demokratike u kanë ndërruar bravat e dyerve per te mos lejuar funksionimin normal edhe të zyrave te Shoqatës së ish-Studentëve të Dhjetorit.
Këtë e ka bërë publik kreu i shoqatës “Dhjetor 90”, Bislim Ahmetaj, i cili deklaroi për mediat se u janë ndërruar bravat e dyerve.
Kryetari i ‘Grupimit ’90”, Bislim Ahmetaj: Kisha thirrur Kryesinë e Grupit në zyrën tonë, në selinë e PD. Zyrë që e kemi prej 25 vitesh. Sot gjendemi para një ngjarje të ligë. Ne u futëm brenda dhe u mbyll dhe dera e brendshme. Na e mbyllën derën dhe na lanë në zyrën tonë. Bravën tonë nuk e kishin ndërruar, por bravat e tjera i kanë ndryshuar.
Është një diçka që e ul akoma më shumë vlerën dhe reputacionin që mund të ketë një njeri i zakonshëm, anëtari Lulzim Basha. U shndërrova me të në shkallë. Sapo u ngjita lart, dera na u mbyll. Para 10 ditësh ne kemi qenë për herë të fundit në zyrën tonë.
Nuk do të ndodhë asnjë konflikt. Vendos anëtarësia dhe nuk vendos Kryetari.
Zyrës tonë nuk i është ndërruar brava. Ama dy nga dyert e mëdha janë mbyllur dhe ne nuk kishim nga të dilnim. Për të folur këtu me ju u detyruam të shpërthenim një nga to.
