Sot është një ditë e shënuar dhe që vlen të kujtohet nga të gjithë shqiptarët në mbarë botën.
Si sot 114 vite më parë erdhi në jetë një ndër njerëzit më të shquar të Shqipërisë, që do të kujtohet padyshim brez pas brezi. Bëhet fjalë për Gonxhe Bojaxhiun, e njohur në gjithë botën si Shën Tereza e Kalkutës. Gruaja me mendje dhe zemër të madhe lindi më 26 gusht 1910 në Shkup.
Nobelistja e paqes ia kushtoi tërë jetën e saj çështjes së bamirësisë, duke i ndihmuar familjet e varfra dhe personat e sëmurë. Nëna Terezë ndërroi jetë më 5 shtator 1997. Me 4 shtator 2016, Nënë Tereza u shpall shenjtore e Kishës Katolike me vullnetin e Papa Françeskut. Sot ajo venerohet në mbarë globin si një nga shenjtorët e kishës universale.
